'n Kort oorsig oor ons reis na Oos-Europa en Rusland in 1995

Ek dink vanaand, 22 Junie 2025, terug aan dertig jaar gelede. Verskoon asseblief my geheuereis, maar dis een ding waarin ek glo en dis om herinneringe te bou. Dit was 22 Junie 1995 en ek en Alda was deel van 'n toer na Oos-Europa en Rusland.

Soos enige reis, was dit natuurlik spesiaal, maar die misterie van lande wat voorheen ontoeganklik vir ons was, het hierdie reis miskien 'n bietjie meer spesiaal gemaak. Op daardie stadium - 1995 - in elk geval.

Hieronder staan ons twee by 'n klein olifant in die voorportaal van die beroemde Moskouse Sirkus na 'n ongelooflike vertoning en as julle hier klik is daar 'n paar ander foto's en iets te vertelle.