[Alhoewel ons nog net drie keer getrek het, spreek hierdie realistiese rubriek boekdele]
Só werk die
stappe van trek
Die meeste
mense het al verhuis. Soms meer as een keer.
'n Goeie
vriend wonder hardop waarom die woord "trek" net uit vier letters
bestaan as dit so verskriklik baie werk is.
'n Dierbare
vriendin beskryf die woord "trek" as 'n vloekwoord.
Daar is
mense wat jou tydens 'n trek probeer opbeur Jy moet die geleentheid gebruik as
'n tyd in jou lewe om van oortollige goed ontslae te raak. Weg te gooi.
Oor te
begin.
Hulle
herinner jou daaraan dat jy oor die bure se bouery en die stukkende straatlig
gekla het.
Dan is daar
mense wat hul eie negatiewe wedervaringe van trek het. Trek is meer as jou lewe
in kartondose pak, dit na 'n ander blyplek vervoer en alles uitpak. Trek is
soveel meer as wat hierdie klein woordjie verklap.
Nie dat jy
enigsins pos ontvang nie, maar jy moet steeds jou posadres verander. Jy moet die
landlyn laat oorplaas, oordra of afsny.
Jy moet met
jou versekeringsmaatskappy, internetverskaffer, tuindienste en sekuriteitsmaatskappy
reëlings tref.
Die emosionele
sy van trek is soms die sieldodenste. Dit is die laaste keer dat jy 'n
rugbywedstryd in hierdie huis kyk. Die laaste keer dat jy 'n vleisie braai.
Saam met elke ietsie wat sorgvuldig verpak word, word 'n herinnering saam
verpak.
Dinge wat
gesê is en dinge wat gedoen is. Herinneringe vleg hulself deur die huis se
kamers tot in jou hart. Herinneringe wat op 'n manier deel van hierdie paar
mure sal bly.
En ná al
die gepak en gereël en ongekende harde werk het die oomblik van waarheid
aangebreek. Jy sit skielik jou huissleutel in iemand anders se hand en met 'n
beklemming in jou hart besef jy: Nou is hierdie nie meer ons huis nie.
https://www.theguardian.com/lifeandstyle/2020/may/31/extreme-night-owls-i-cant-tell-anyone-what-time-i-go-to-bed?utm_source=pocket&utm_medium=email&utm_campaign=pockethits
Naguil
A growing amount of research shows loneliness could be linked to a range of health problems.
No comments:
Post a Comment